pgp – web
Purtonu di Ghjistioni è di Prugrammazioni Web pà un Riacquistu 2.0
Criatu in u 2018, u primu scopu di Pgp Web hè di participà à a missa in anda è a strutturazioni di una ciarta corsufunia on-line. Ci intaressemi dinò à u sviluppu d’arnesi numerichi novi à favori di a Corsica.
DESIGN ADATTI A
TUTTI I TECNULUGII
SITI CORSOFONI
È pluriLINGUI
BACK OFFICE FACIULI
DA GISTISCIA SOLU
Sapeti dighjà ciò chì vuleti ?
Prisinteti ci u vosciu prughjettu. Vi daremi un’estimu in una settimana, incù in mira a missa in anda di u situ internet in menu di un mesi.
- Un situ chjavi in manu à parta si di 500 €
- Pussibilità di pagà in parechji volti.
- Tariffi più bassi pà l’associ è l’andaturi chì ci piacini
siti ergonomichi incù responsive design
Sò beddi i nosci siti, ergonomichi, è ani tutti un design responsive, chì s’adattarà à tutti i screni: urdinatori, telefunini, tabletti, …
Sò dinò accumpagnati d’un QR Code persunalizatu,
in leia incù l’identità digitali di u vosciu prughjettu
U CORSU À U PRIMU PIANU
Una brama
di bislinguismu
À u filu di i seculi, a noscia isula, tanta culpita da a so situazioni pulitica di tarritoriu supranatu, ùn hà avutu mai a pussibilità di metta in anda dinamichi novi, sciuti da u so corpu suciali è i so stituzioni, pà a maestria di a so maghjina è di a so lingua. ‘Ssa pussibilità, l’avemi avà.
Oghji, a dumanda di a sucetà isulana, cuncirnindu a lingua è a cultura corsi, ùn hè mai stata cusi putenti. Difatti, ci arritruvemi in una situazioni inedita, à riguardu à u cuntestu puliticu è u sviluppu di u numericu. Bisogna avà à crià è prumova arnesi novi, pà scriva si da capu à fondu indè ‘ssa perspettiva storica.
Pgp Web aiutarà à tutti i prughjetti in leia incù ‘ssa Revoluzioni culturali.
D’altronda, ci vol’à sapè ch’asistighjani oghji parechji aiuti publichi à prò di un ciartu web corsofonu. Pgp Web accumpagnarà dinò l’impresi intarissati in a rializazioni di i so cartulari di suvvenzioni.
Traduzzioni
quasgi automatica
Avemi sviluppatu dinò un arnesi monda capiscitoghju, da passà subitu subitu da u Corsu à u Francesi, ch’idd’hè dispunibuli à nantu à www.corsica.news, è chì hè avà à a voscia dispusizioni.
Un back office monda capiscitoghju
Una tecnologia simplici d’utilizazioni
Avemi pruvatu è missu in baddu parechji arnesi chì v’aiutarani da ghjestiscia u vosciu situ. Una volta criatu, v’aiutaremi à appruntà cuntinuti novi, è pudareti dopu fà parechji mudificazioni è publicazioni novi, da per voi.
I nosci criazioni
Eccu l’ultimi criazioni
è participazioni di Pgp Web
Prughjettu di media d’infurmazioni bislingui è participativu, hè privistu pà ghjinnaghju u lanciamentu ufficiali di CORSICA.NEWS. Mentri ‘ssi tempi stranii, hà fattu a scelta a so ridazzioni di metta in linia picculi articuli, da fà cunnoscia u situ internet è a so andatura
Allindì hà pà scopu u sviluppu d’arnesi numerichi novi à favori di a lingua è a cultura isulani. U so prughjettu maiori : a missa in anda, d’austu, d’una piattaforma à l’usu Netflix, chì centralizaria i criazioni audiovisii corsi è di u Maritarraniu.
‘Ssa pruposta di prughjettu risponda à una dumanda di a municipalità di Carbuccia. U scopu hè di crià un situ internet dinamicu, bislingui è capiscitoghju, chì diventaria pocu à pocu un veru purtone numericu pà è à prò di tutti l’attori di a cumuna.
